Edhe nëse nuk keni më ndjenja, shpesh të kontrolluarit e ish-partnerit në rrjete sociale kthehet në një tip varësie dhe është e vështirë të ndalosh.
Herën tjetër që do të ndjeni dëshirën për të kontrolluar rrjetet sociale të ish-it tuaj, merrni parasysh të provoni këto në fillim:
1. Prisni 5 minuta. Në momentin e parë që do t’ju shkojë mendja të kërkoni emrin e Instagramit të tij, ndaloni për një moment dhe përpiquni të prisni 5 minuta (duke hequr telefonin nga duart ose duke parë diçka tjetër në telefon). Shtoni gradualisht kohën, derisa t’ju ketë ikur dalë fare nga mendja.
2. Merrni parasysh pyetjet e mëposhtme:
– Si u ndjetë herën e fundit që patë profilin e tyre?
– Nëse do të përpiqeshit të mbështesni një mik në një situatë të ngjashme me tuajën, çfarë do t’i thonit të bënte në vend të kësaj?
– A është vërtet kaq interesant profili i tyre, apo je ti që po i jep rëndësi duke e parë me një sy ndryshe?!
3. Gjeni një aktivitet zëvendësues dhe bëni një plan përpara kohe.
Kërkoni ndihmën e një shoku ose anëtari të familjes të cilit i besoni dhe dërgojini mesazhe në vend që të kontrolloni rrjetet sociale të ish-it tuaj.
Mendoni për një aktivitet që ndihet realist dhe i menaxhueshëm për t’u bërë ndërkohë që po vononi dëshirën për të kontrolluar informacionin e ish.
Shkruani planin tuaj dhe mbajeni para jush për t’iu referuar kur të jetë e nevojshme. Për shembull: “Herën tjetër që do ndjej dëshirën për të kontrolluar Instagramin e tij, do t’u dërgoj mesazh/u telefonoj njerëzve të mëposhtëm/bëj këtë aktivitet).”
4. Përqendrohuni në arsyet pse lidhja nuk funksionoi. Reflektoni për arsyet e përfundimit të marrëdhënies. Me shumë mundësi, sado e dhimbshme të jetë, ka disa arsye të vlefshme pse përfundoi. Përqendrimi kryesisht në kujtimet pozitive që lidhen me marrëdhënien ka të ngjarë të intensifikojë ndjenjat e thyerjes së zemrës dhe t’ju pengojë të keni një pikëpamje të ekuilibruar për marrëdhënien. Shumë njerëz kanë një tendencë për t’u përqëndruar në kujtimet pozitive pas një ndarjeje, gjë që rrit vuajtjet e tyre dhe i bën ata të anashkalojnë aspektet negative të marrëdhënies.
