Avokati, Ermal Hamataj në një intervistë për Panorama TV ka komentuar kërkesën e SPAK për prangosjen ish-zv.kryeministrit Arben Ahmetaj ku tha se ligji parashikon që fillimisht të bëhet ndalimi dhe më pas është Gjykata ajo që vendos nëse është e drejtë ose jo.
Hamataj tha se nëse Kuvendi vendos që t’i heqë statusin e deputetit, atëherë Arben Ahmetaj do të shoqërohet në dhomën e izolimit dhe pas 48 orësh njihet me vendimin e Gjykatës, nga 3 veprat e akuzuara, ai rrezikon për atë të korrupsionit deri në 12 vite burg.
Pjesë nga biseda:
Pyetje: Çfarë ndodh nëse hiqet imuniteti?
Ligji parashikon që deputeti mund të arrestohet vetëm në kushtet e flagrancës, por besoj se nuk do ketë ndonjë surprizë do lejohet ndalimi i tij. Duket sikur Ahmetaj është braktisur nga të tijët, nuk jemi në kushtet e flagrancës edhe pse Ahmetaj ka qenë në hetim. Jemi përpara ndalimit, veprat nuk kanë ndodhur sot. Pavarësisht se kërkesa i është bërë Kuvendit, kushti quhet ndalim edhe pse është i njëjtë me arrestim.
Nëse Kuvendi vendos ta refuzojë t’ia heqë imunitetin, çfarë ndodh?
Duke qenë se ka rënë flagranca ai nuk mund të arrestohet, nëse Parlamenti e refuzon pasi është mburoja që gëzojnë deputetët e Republikës së Shqipërisë. Fillimisht bëhet ndalimi i tij, por të dyja këto të heqin lirinë. Ai çohet fillimisht në dhomat e izolimit dhe brenda 48 orësh do dalë para Gjykatës për të parë nëse urdhri i ndalimit është në rregull.
Sa vite burg rrezikon Ahmetaj?
Problem është korrupsioni pasiv, fshehja e pasurisë dhe mosdeklarimi. Problem kemi korrupsionin që parashikohen deri në 12 vite burgim, në fund ai nuk do marrë më shumë se 12.
