Call of Duyty: Modern Warfare II është lançimi më i madh në historinë e serive Call of Duty tha Activision-Blizzard.
Më 29 Tetor loja “first-person-shooter” debutoi ndërsa Activision shkruante sot se është shitur me 800 milionë dollarë vetëm në tre ditë duke thyer rekordin e mëparshëm Call of Duty: Modern Warfare 3 në 2013-ën.
Modern Warfare II është bërë hapja argëtuese më e madhe në botë duke tejkaluar edhe filmat si “Top-Gun: Maverick” dhe “Doctor Strange in the Multiverse of Madness” së bashku.
Call of Duty: Modern Warfare II është i disponueshëm për PC, PlayStation 5, PlayStation 4, Xbox Series X/S dhe Xbox One.
“Falënderojmë ekipet tona të talentuara të cilët kanë krijuar magjinë përmes punës së tyre artistike dhe teknologjisë, por edhe komunitetit global të lojtarëve të cilët gjejnë dëfrim me Call of Duty,” tha CEO i Activision Blizzard Bobby Kotick. /PCWorld Albanian
