Veterani i skuadrës së Barcelonës, Sergio Busquets ka dhënë disa komente pas barazimit ndaj Inter.
Barazimi ndaj Inter e çon Barcelonën me një këmbë në Europa League. Ky barazim vjen pak ditë para duelit kundër Real Madrid.
Sipas Sergio Busquets, barazimi i sontëm në Camp Nou mund ta lë skuadrën me pasoja për derbin e madh.
“Merituam më shumë sonte, por s’kishim fat”, tha fillimisht spanjolli
“(A do të ndikojë kjo në ‘El Clasico’?) Po, sigurisht që do të ndikojë”, shtoi Busquets. Goli i parë na prishi balancin, ishim të fokusuar por kur ata shënuan, gjithçka u bë rrëmujë”, tha ai.
Barcelona është lidere në La Liga, me pikët e barabarta me Real Madrid. ‘El Clasico’ do të jetë me shumë rëndësi për renditjen tabelore.
