Konferenca Rajonale e Drejtorëve të Policisë nga Ballkani Perëndimor organizuar në Shkup është edhe një konfirmim shtesë i parandalimit të trafikut të paligjshëm të lëndëve narkotike, trafikut të armëve, luftën kundër migrimit të paligjshëm, luftën kundër korrupsionit dhe sigurinë kibernetike si forma me e re e sfidave moderne të sigurisë. Kështu është shprehur zëvendësministri i Brendshëm, Nazim Bushi gjatë takimit dypalësh me drejtoren ekzekutive të Agjencisë Evropiane të Zbatimit të Ligjit (Europol), Catherine De Boll, zëvendës krye shefin operativ, Jean-Philippe Lekoufe, Ilija Pulovin, këshilltar i lartë dhe Andrej Groschel, drejtuesin e delegacionit.
Drejtorja e Europol-it, De Boll, shprehu kënaqësinë për bashkëpunimin me vendit tonë dhe theksoi se Maqedonia e Veriut dhe Ministria e Brendshme janë partner serioz në luftën kundër krimit, me ç’rast potencoi se RMV është vendi i parë që ka firmosur Marrëveshje për bashkëpunim operacional dhe strategjik me EUROPOL.
