Një elektriçist është lënduar mbrëmjen e kaluar në krye të detyrës, pasi ka rënë në kontakt me energjinë elektrike.
Incidenti ka ndodhur të enjten në mbrëmje dhe rreth orës 23:05, 61-vjeçari ka kërkuar ndihmë në urgjencën e spitalit Burrel.
Sipas policisë, dyshohet se shtetasi me iniciale S.Gj. ka qenë duke rregulluar linjën e tensionit të mesëm në fshatin Midhë kur është goditur nga një shkarkim atmosferik.
Ai është dërguar drejt Tiranës, ku ndodhet jashtë rrezikut për jetën .
