Shkup, 23 Dhjetor – Bujqësia duhet të bëhet një profesion i vlerësuar dhe të evidentohen kushtet reale që ekzistojnë në bujqësi, u tha sot nga ana e Federatës kombëtare të Fermerëve. Sipas tyre, edhe më tej sfidë kryesore mbeten çmimet e ulëta të blerjes tek bujqit, por edhe e drejta e pushimit mjekësor.
“Që bujqësia të bëhet një profesion vërtet i vlerësuar dhe të gjendet një zgjidhje që fermerët e regjistruar të ushtrojnë të drejtën e pushimit mjekësor dhe fermerët femra të regjistruara të ushtrojnë të drejtën e amësisë.”, – deklaroi menaxherja e projektit të FKF-ve, Biljana Petrovska – Mitrevska.
“Çmimet e ulëta të blerjes vazhdojnë të jenë problemi kryesor i fermerëve, duke pasur parasysh faktin se nga krizat që pasuan dhe kriza aktuale ruso-ukrainase, e cila kontribuoi në rritjen e çmimeve të lëndëve të para për prodhimin e produkteve bujqësore, çon deri në situatën që fermerët tanë të kenë kosto më të larta për prodhimin e ushqimit.”, – u shpreh kryetarja e Federatës Kombëtare të Fermerëve, Vaska Mojsovska.
Për të treguar se prodhimi vendas nuk duhet të dështojë, Federata Kombëtare e Fermerëve ka realizuar edhe një fushatë “Blini produkte bujqësore vendase”, për të evidentuar dhe nxitur rritjen e konsumit të produkteve bujqësore vendase në tregun vendas. Sipas Agjencisë për mbështetje financiare në bujqësi dhe zhvillim rural, janë të regjistruar 4.291 fermerë, prej të cilëve 1.255 janë gra.
Burimi: zhurnal.mk
