Aktori Bruce Willis (67) do të pushojë me aktrimin pasi u diagnostikua me afazi, raporton revista “People”.
Familja e Willis e ka ndarë lajmin në Instagram mbrëmjen e sotme, duke thënë se mesazhi u është dërguar fansave të Bruce.
“Si familje, ne donim të tregonim se i dashuri ynë Bruce kishte disa probleme shëndetësore dhe se ai u diagnostikua me afazi, e cila ndikon në aftësitë njohëse. Për shkak të kësaj, ai do të merr një pushim në karrierën e tij të aktrimit, e cila do të thoshte shumë për të”, thuhet në njoftim.
Familja shtoi se po kalon momente sfiduese dhe se është mirënjohëse për dashurinë, dhembshurinë dhe mbështetjen që i vjen nga miqtë, kolegët, fansat e tij.
Afazia është një çrregullim neurologjik i shkaktuar nga dëmtimi i pjesëve të trurit që janë përgjegjëse për procesin e të folurit.
