Evropa u përball me perspektivën e një katastrofe nga rrezatimi të enjten kur një central bërthamor i pushtuar nga Rusia u shkëput nga rrjeti i energjisë elektrike i Ukrainës, ka thënë presidenti ukrainas Volodomyr Zelensky.
Zelensky shtoi se vetëm për shkak të furnizimit me energji elektrike rezervë, centrali i Zaporizhzhia ishte në gjendje të funksiononte në mënyrë të sigurt.
Zjarret kishin dëmtuar më parë linjat e energjisë elektrike, duke ndërprerë centralin.
Ekziston një shqetësim në rritje për luftimet pranë kompleksit, i cili është centrali bërthamor më i madh në Evropë.
“Nëse gjeneratorët me naftë nuk do të ishin ndezur, nëse automatizimi dhe stafi ynë i uzinës nuk do të kishin reaguar pas ndërprerjes së energjisë, atëherë ne tashmë do të detyroheshim të kapërcejmë pasojat e aksidentit të rrezatimit”, paralajmëroi Zelensky të enjten mbrëma.
Dëmi u shkaktua nga zjarret për të cilat agjencia shtetërore bërthamore e Ukrainës tha se kishin ndërhyrë në linjat e energjisë që lidhnin centralin të enjten, duke shkëputur përkohësisht Zaporizhzhia nga rrjeti kombëtar për herë të parë në historinë e saj.
“Si rezultat, dy njësitë e fuqisë funksionale të stacionit u shkëputën nga rrjeti”, thanë zyrtarët e Kievit.
Imazhet satelitore të marra të mërkurën treguan një zjarr të gjerë në afërsi të kompleksit bërthamor.
Presidenti i hodhi fajin bombardimeve ruse për dëmin dhe në fjalimin e tij të natës akuzoi Moskën se e ka vendosur Ukrainën dhe Evropën “një hap larg” nga katastrofa.
