Këngëtari Blero kishte paralajmëruar që sot (e premte) do të publikonte këngën e tij më të re.
Megjithatë, një gjë e tillë nuk ndodhi dhe kjo për shkak të disa problemeve teknike.
Ai në një njoftim të shpërndarë me ndjekësit e tij në InstaStory, ka treguar se lansimi i këngës shtyhet për nesër (e shtunë) në ora 17:00.
“Për shkaqe teknike e kemi të pamundur të mbërrijmë për lansimin e projektit ‘Dubai’ sot. Kërkoj shumë falje dhe mirëkuptim nga ju. Porjekti do të lansohet nesër në ora 17:00. PS: Ju që më keni dërguar aq shumë mesazhe, faleminderit shumë në mirëkuptim. Ju premtoj që nuk do t’ju zhgënjej. Do ta bëjmë këtë verë më të nxehtën ndonjëherë”, ka shkruar mes tjerash këngëtari Muharremi.
Postimi i Bleros
Siç mësohet, kënga në fjalë do të jetë ritmike-verore dhe do të vijë në bashkëpunim me një artist të huaj.
