Miliarderi Elon Musk vazhdon përplasjen e tij me Twitter lidhur me përqindjen e llogarive robotike në Twitter duke lënë të kuptohet se mund të kërkojë një ri-negocim të marrëveshjes 44 miliardë dollarëshe.
Gjatë një konference në Miami ai tha se një çmim më i ulët nuk përjashtohej. Ulja e çmimit është një lëvizje e papritur duke pasur në konsideratë se ekzekutivi i Tesla dhe SpaceX kishte rënë dakord të paguante 38% mbi vlerën reale të aksioneve kur bëri ofertën në muajin Prill.
“Ajo që po më thuhet tani është se nuk ekziston një mënyrë për të kuptuar sesa është numri i llogarive robotike,” tha Musk.
Të Premten e kaluar Musk njoftoi se blerja e Twitter ishte pezulluar për shkak të shqetësimeve lidhur me numrin e llogarive robotike në platformë.
Miliarderi tha se ekipi i tij do të bënte një analizë të pavarur me llogarinë e tij për të përllogaritur përqindjen e këtyre llogarive.
CEO i Twitter Parag Agrawal shpjegoi në rrjetin social se përllogaritjet e jashtme janë të gabuara dhe duke qenë se platforma në analizën e saj përfshin edhe informacione private. /CIO Albanian
