Këshilltari komunal nga radhët e BDI-së Blerim Hyseni ka reaguar lidhur me funksionimin selektiv të semaforëve varësisht nga pjesa e qytetit ku ndodhen ato. Ja reagimi i tij:
“Semaforët në udhëkryqin më të frekuentuar, te tregu në Kumanovë, nuk punojnë pikërisht në periudhën kur mërgimtarët janë në vendlindje dhe komunikacioni është më i ngarkuar se kurrë.
Rastësi? Ndoshta. Por kur rastësitë përsëriten, lind e drejta të pyesësh: a është kjo papërgjegjësi apo indiferencë?
Në fund të fundit, kush ka nevojë për rregullim të trafikut kur mund të mbështetemi te fati dhe durimi i qytetarëve?
Me sa duket, për Komunën e Kumanovës edhe semaforët hyjnë te kategoritë e “problemeve të vogla”!”, ka shkruar në postimin e tij z.Blerim Hyseni.
Burimi: lajmpress.org
