Bitcoin u ngjit në një nivel të ri rekord prej 106 mijë dollarësh mëngjesin e së Hënës pasi Presidenti i zgjedhur Amerikan Donald Trump sugjeroi se planifikon që të krijojë një rezervë strategjike të Bitcoin ngjashëm me rezervën strategjike të naftës.
Kriptomonedha më e madhe në botë arriti në 106.533 dollarë ndërsa aktualisht tregtohet me 104.507 dollarë në këto momente që shkruajmë sipas CoinMarketCap.
Ether u rrit gjithashtu me 2 përqind në 3,950 dollarë. Analistët presin që Bitcoin të shkojë në 110 mijë dollarë. “Shumë njerëz po prisnin një tërheqje të Bitcoin që nuk ndodhi sepse tani erdhi ky lajm,” tha analisti i IG Tony Sycamore.
Bitcoin dhe kriptomonedhat e tjera janë katapultuar ndërsa administrata Trump pritet të sjellë një ambient rregullator më miqësor ndaj tyre. Këtë vit Bitcoin është rritur me 192 përqind.
“Do të bëjmë diçka të jashtëzakonshme me kriptomonedhat sepse ne nuk duam që Kina apo kushdo tjetër ta bëjë dhe duam të jemi lider në këtë industri,” tha Trump për CNBC javën e kaluar.
Kur u pet nëse do të ndërtonte një rezervë të Bitcoin Trump tha: “Mendo që po.” Kina, Britania, Butani dhe El Salvadori janë vende me rezerva të konsiderueshme Bitcoin.
Gjatë muajit Putin kishte thënë gjithashtu se bitcoinin nuk mund ta ndalojë askush.
/PCWorld Albanian
Burimi: pcworld.al
