Një stacion i ri i Brigadës së Zjarrfikësve është vënë në funksion dhe do të mbulojë edhe territorin e Komunës së Bogovinës, duke rritur nivelin e sigurisë për qytetarët.
Kryetari i Komunës së Bogovinës, Besnik Emshiu, gjatë vizitës në objektin e ri, theksoi se ky është një hap konkret drejt garantimit të reagimit më të shpejtë dhe më efikas në rastet e zjarreve dhe emergjencave të tjera.
Sipas tij, ky projekt është rezultat i bashkëpunimit ndërinstitucional dhe i përkushtimit për të sjellë shërbime moderne në çdo cep të komunës.
“Ky stacion është dëshmi e punës sonë të përbashkët për të ofruar më shumë siguri dhe kushte më të mira për qytetarët,” deklaroi Emshiu.
