Kreu i Partisë Demokratike, Sali Berisha ka kundërshtuar numërimin elektronik të votave, duke deklaruar se PD nuk do të pranojë aplikimin e këtij procesi në asnjë bashki.
Në konference me gazetaret Berisha ngriti akuza për manipulim të numërimit elektronik, duke pretenduar se në këtë proces janë përfshirë edhe struktura të Shërbimit Informativ të Shtetit (SHISH).
“Asnjë bashki nuk pranojmë ne numërim elektronik, në mënyrë të prerë. Partia Demokratike nuk pranon! Numërimi elektronik është manipuluar në mënyrë të turpshme.
Në numërimin elektronik është implikuar direkt dhe shërbimi informativ kombëtar, narko-shërbimi informativ tani.
Janë krijuar servera paralelë, ka patur probleme të mëdha, ne nuk pranojmë asgjë të manipulueshme më në procesin zgjedhor”, tha lideri demokrat.
Burimi: botasot.info
