Ish-kryeministri Sali Berisha është duke mbajtur një takim me demokratet në Vaun e Dejës ditën e sotme.
Berisha në këtë takim përmendi edhe nënë Lizën, të cilës iu shemb shtëpia e saj në zonën e “5 majit” pak ditë më parë.
Ai shtoi se qeveria barbare prish shtëpitë dhe ndërton kulla për interesa personale, duke thënë se pushteti nuk ka moral.
Berisha: Nënë Liza është heroike. Ajo donte të flijohej, sepse një shtet barbar e horrash, e njofton sot për nesër se do të prishë shtëpinë. Në çdo shtet, vendet hapin rrugë, ndërtojnë blloqe të reja, por këta bëhen duke respektuar ligjet dhe të drejtat e qytetarëve, nuk i shkohet si pushtues tjetrit për t’ia prishur shtëpinë, kur je i detyruar t’i garantosh strehimin.
Rama prish shtëpinë për të ndërtuar kulla. Në çdo vend të botës, prona dhe posedimi i pronës mbrohen me ligj dhe ai që ka shtëpinë aty prej vitesh, shteti është detyruar ta strehojë dhe të bjerë në marrëveshje me të. Por, këta nuk kanë moral e shpirt, por mendojnë vetëm për pasurim personal në kurriz të qytetarëve.
