Sali Berisha do bashkojë votat me LSI dhe do të marrë pjesë në zgjedhjet e 6 marsit ku do të votohet për të zgjedhur 6 kryetar bashkish. Në pamundësi për të mbajtur logon e Partisë Demokratike, Berisha zbuloi logon e re.
“Edi Rama me bandat e tij me uniformë dhe pa uniformë ka konfiskuar në një akt madhor kriminal politik siglën e PD. Sigurisht që do ketë një marrëveshje për një koalicion në përputhje me ligjin. LSI është pjesë e këtij koalicionit. Logoja do jetë e re se është logo koalicioni dhe unë mund t’ju informoj ju koalicioni do të quhet Shtëpia e Lirisë”.
Berisha prezantoi edhe kandidatët për 6 bashkia që dolën pas votmimit të anëtarësisë së partisë.
Dibër – Lulzim Kryemadhi
Durrës – Ardian Muka
Vorë – Lulzim Vrana
Rogozhinë – Hekuran Xhani
Lushnjë – Elton Bano
Shkodër – Bardh Spahia
Nismës së Sali Berishës ju përgjigj sekretari i përgjithshëm i pd Gazment Bardhi: Izolimi i Sali Berishës nuk do të sjellë kurrë izolimin e PD dhe tentativa për të shpallur Non Grata logon e PD ka dështuar në 18 Dhjetor. Për demokratët dhe çdo shqiptar që do ndryshimin nuk ka logo tjetër që i përfaqëson përveç asaj të PD. Sot Sali Berisha pohoi me gojën e tij se po i bën mbështetësit e tij shtojcë të LSI. Nuk ka Shtëpi të Lirisë. Ka Shtojcë të LSI-së në shtëpinë e tyre të përbashkët NON GRATA!.
