Sulmuesi i Real Madrid, Karim Benzema është një nga lojtarët kryesorë të madrilenëve.
Francezi në një intervistë për mediat franceze ka treguar edhe një anë tjetër të tijën, atë me ish-trajnerin e “Los Blancos”, Zinedine Zidane.
34-vjeçari tregoi anën e tij më emocionale, duke zbuluar lidhjen e tij të madhe me Zidane, teksa e ka cilësuar atë si vëllaun i tij të madh dhe se e ka ndihmuar shumë.
“Marrëdhënia ime me Zidane është e veçantë, është shumë e fortë, ajo që thotë për mua më bën emocional.
Ka filluar shumë kohë më parë…
E kam takuar para se të ishte trajner. Është më shumë se miqësi, është pjesë e familjes sime, por kjo nuk e pengon atë të më kritikojë. Zidane është si vëllai im i madh, më ka ndihmuar shumë”, ka theksuar 34-vjeçari francez.
