Real Madridi do t’i dorëzojë një marrëveshje të re afatgjatë kontrate mesfushorit të huazuar te Milani 3 sezonet e fundit, Brahim Diaz.
Sipas Fabrizio Romano, Brahim do të kthehet në klub këtë verë pas një huazimi dyvjeçar. Ish-mesfushori i Manchester Cityt do të nënshkruajë një kontratë të re gjithashtu deri në vitin 2027.
Romano thotë se Brahimi do të prezantohet si një nënshkrim i ri, pavarësisht se nuk u largua kurrë nga Real Madridi. Mendohet se Milani ishte i etur për të mbajtur Brahimin pas dy sezoneve të suksesshme, duke luajtur një rol vendimtar në garën e kuqezinjve drejt gjysmëfinaleve të Ligës së Kampionëve.
Në 45 paraqitje këtë sezon, Brahimi ka shënuar 7 gola dhe 7 asistime. I aftë për të luajtur kudo në të tretën sulmuese të fushës, aftësia e Brahimit për të kthyer shënuesin e tij dhe për të gjetur hapësirë janë një reflektim i talentit të tij.
Ai ka të ngjarë të shtojë thellësi në sulmin e Real Madridit, ndoshta duke u ndarë nga krahët nëse Carlo Ancelotti qëndron në formacionin e tij aktual. Me largimin e Marco Asensio nga klubi, mendohet se ai mund të marrë shumicën e minutave të tij.
Sakaq, Jude Bellingham kreu testet mjekësore sot. Real Madrid shpreson të zbulojë mesfushorin brenda javës së ardhshme në Bernabéu.
