Anëtari i kryesisë së Lëvizjes BESA, Valon Bela, ka kritikuar ashpër kreun e komunës së Çairit Visar Ganiun dhe ish kryetarin e kësaj komune Izet Mexhitin pasi Çairin e kanë varëfruar dhe e kanë lënë në lloç. Bela thotë se nënat shqiptare të Çairit luten që mos të bjere shi, pasi pas saj përmbyten shtëpitë.
“Fillimisht i varfëruan shqiptarët pastaj i blejnë për një cop bukë. Prandaj i bartin nga njëra sallë në tjetrën.
Izeti dhe Visari kanë 18 vite në menaxhim të plotë pushtetin lokal por Komuna e Çairit është shndërruar në tmerrin e katastrofës evropiane. Në mes të evropës nënat shqiptare të Çairit luten sa herë që bie shi, të mos përmbyten shtëpitë e tyre paçka futen ujërat e zeza ku krejt në fund i hudhin të gjitha orenditë sepse kundërmojnë nga era e keqe.
18 vite keqmenaxhim dhe përsëri lojëra fjalësh se ky ose ai i paska fajet. Pranoni përgjegjësitë që duhet t’i bartni. Mos arsyetoheni me këso banalitete, mos mashtroni më. Ju njohim mirë si filluat karrierën tuaj politike. Mjaft më!”ka shkruar Bela pasi mbrëmë Izet Mexhiti dhe Visar Ganiu mbajtën tubim në Çair.
