Deputeti i Alternativës, Bekim Sali, ka reaguar pas ngjarjeve të tmerrshme në Gaza, ku në sulmet izraelite, qindra fëmijë kanë humbur jetën.
“Nuk mund të ketë foshnje terroristë.
Kur njeriu i sheh këto skena, jo vetëm që neveritet nga niveli që mund ta arrijë qenia njeri, por bëhet relative gjithçka tjetër.
Këto skena e kanë ndryshuar perceptimin tonë për jetën dhe vdekjen, për terorrizmin dhe për gjenocidin, për lumturinë dhe vuajtjen. Cili është kuptimi i iftarit të lumtur nëse ne jemi dëshmitarë të këtyre skenave?
Për fat të keq, në këtë botë indiferente ndaj këtyre pamjeve, na mbetet vetëm të lutemi që Zoti të lëshojë mëshirë dhe paqja të kthehet edhe aty ku sot mbretëron dhuna.
Gaza është sot ndërgjegjja e njerëzimit”, ka shkruar Sali.
Burimi: alfax.mk
