Përfaqësuesi i Lëvizjes Arbëria, Bekim Fazliu, sonte mori pjesë në hapjen e shtabit zgjedhor të VLEN-it në komunën e Çairit, një ngjarje e cila u shndërrua në manifestim të madh qytetar. Rrugët e Çairit u vërshuan nga përkrahësit e kandidatit të VLEN-it për kryetar komune, Izet Mexhiti, duke dëshmuar një mbështetje masive.
Në fjalën e tij para të pranishmëve, Fazliu theksoi se prezenca e fuqishme e qytetarëve është mesazh i qartë për të gjitha partitë politike rivale.
“Nga kjo prezencë e popullit sonte e humb kuptimin e të tjerëve, i partive politike, bien të gjithë poshtë, prandaj ju ftoj, edhe ata që për momentin kanë mëdyshje, ejani dhe bashkohuni fitores më të madhe të shqiptarëve që Shkupin pas 100 viteve ta kthejmë në kryeqendër të politikës së shqiptarëve. Zoti ju bekoftë, Zoti qoftë me ne dhe urime fitore që tash,” u shpreh Fazliu.
