Bayern Munich ka përjashtuar mundësinë e një lëvizjeje për Casemiron në afatin kalimtar të janarit, pavarësisht spekulimeve të reja, sipas Sky Germany.
Braziliani, duke përjetuar një sezon të dytë sfidues në Manchester United, është përballur me pengesa në lëndime dhe rritje të konkurrencës për një rol titullar.
Edhe pse trajneri i Bayernit, Thomas Tuchel thuhet se është një adhurues i Casemiros, gjigantët e Bundesligës nuk kanë plane për të ndjekur 31-vjeçarin.
Ish-ylli i Real Madridit nënshkroi një kontratë afatgjatë me Djajtë e Kuq vetëm 18 muaj më parë, duke fituar një pagë të raportuar prej 350,000 euro në javë në Old Trafford.
Paga e tij e lartë, sidomos mosha, e bëjnë të pamundur transferimin e lojtarit në “Allianz Arena”.
Andaj, Tuchel duhet të kërkojë mesfushorë që janë më të ri dhe jo me kërkesa të larta në pagë.
