Keidi Bare ishte një nga mungesat e rëndësishme të Kombëtares shqiptare për dy ndeshjet e fundit në Ligën e Kombeve.
Lojtari 25-vjeçar ishte i lënduar përpara ndërprerjes së kampionatit për shkak të ndeshjeve të Kombëtareve, prandaj e shfrytëzoi këtë periudhë për t’u rekuperuar.
Mungesa e tij u ndje në përballjen kundër Izraelit, në të cilën mesfusha e kuqezinjve po çalonte dukshëm.
Por vështirësitë janë hedhur pas krahëve për Baren, që tashmë i është bashkuar grupit të tjerë të lojtarëve në stërvitjen që Espanjoli ka zhvilluar paraditen e sotme.
