Barcelona bëri përforcime të shumta në afatin kalimtar të verës së këtij viti, teksa tani raportohet se po planifikohen transferimet e radhës.
Sipas “The Sun”, katalunasit po shqyrtojnë mundësinë për të bërë një lëvizje për Jorginhon, të cilit i skadon kontrata me Chelsean më 30 qershor 2023.
Sergio Busquets pritet të largohet si lojtar i lirë nga Barcelona pas përfundimit të këtij sezoni. Ai është i lidhur me një kalim në MLS dhe Mateu Alemany e sheh mesfushorin italian si zëvendësuesin ideal të tij.
Drejtori te Barça, Alemany ka treguar tashmë aftësitë e tij për të nënshkruar me futbollist të lirë, teksa 30-vjeçari mund të jetë i radhës që kalon në “Camp Nou”.
Ndërkohë, Jorginho nuk duket të jetë afër ndonjë marrëveshjeje me Chelsean për rinovim të kontratës.
