Barcelona raportohet se po konsideron një lëvizje për të rikthyer Pierre-Emerick Aubameyang gjatë afatit kalimtar të verës, por pritet të përballet me konkurrencë nga Atletico Madridi.
Sulmuesi nga Gaboni tani shihet si i tepërt te Chelsea dhe jashtë planeve, pasi klubi bëri transferime të shumta.
Graham Potter së fundmi e largoi edhe jashtë listës së futbollistëve për të garuar në Ligën e Kampionëve.
Sipas raportimeve të shumta, është e sigurt se Aubameyang do të largohet nga “Stamford Bridge” pas përfundimit të sezonit aktual.
Edhe klubi londinez thuhet se është i gatshëm të pranojë edhe ofertë me çmim të ulët, vetëm që të largojë 33-vjeçarin.
Sipas “Daily Mail”, Barcelona po monitoron situatën dhe ka interesim serioz për të rikthyer 33-vjeçarin në “Camp Nou”.
Mediumi britanik gjithashtu raportoi se për ish-sulmuesin e Arsenalit interesim ka shfaqur edhe klubi tjetër nga La Liga, Atletico Madridi.
Ndryshe, Pierre-Emerick Aubameyang ka kontratë të vlefshme me Chelsean deri në verën e vitit 2024.
