Barcelona thuhet se e ka mbyllur tashmë marrëveshjen me platformën e muzikës “Spotify”.
Blaugranasit do t’i japin fund marrëveshjes aktuale me Rakuten dhe do të nënshkruajnë kontratë milionëshe me gjigantin e muzikës.
Sipas asaj që raporton RAC1, Sportify do të jetë sponsor i klubit katalunas për tre vjetët e ardhshëm, duke përfshirë këtu sponsorisimin e fanellave të burrave dhe të grave.
Nëse gjithçka shkon sipas planit dhe dy kompanitë arrijnë marrëveshje, stadiumi “Camp Nou” po ashtu do të ndryshojë emrin.
Foleja e gjigantit katalunas do të quhet “Camp Nou Sportify”, derisa kompania do të ketë edhe disa të drejta të tjera.
Nga kjo marrëveshje e arritur, Barcelona do të arkëtojë plot 280 milionë euro dhe gjithçka pritet të zyrtarizohet gjatë kësaj jave.
