Youri Tielemans është një objektiv i Barcelonës, e cila do të përpiqet të nënshkruajë me të në janar, por gjiganti katalanas nuk është klubi i vetëm me interes për shërbimet e futbollistit. Barcelona po rivalizohet nga Arsenali.
Sipas “Mundo Deportivo”, Barcelona do të kërkojë të nënshkruajë me Tielemans në merkaton e dimrit, ndërsa në Angli thuhet se Arsenal gjendet para klubit nga Spanja sa u takon hapave për të bërë të tyre futbollistin.
Tielemans ka fituar vëmendje që kur iu bashkua Leicester City nga Monaco gati katër vjet më parë. Reprezentuesi belg ka qenë një nga futbollistët kryesorë te Leicister gjatë kësaj periudhe.
Njëzet e pesë vjeçari ka bërë 175 paraqitje deri më tani për Leicester, duke shënuar njëzet e shtatë gola dhe njëzet e pesë asistime.
