Ai ishte zbulimi i Serisë A dy sezone më parë, duke zgjedhur që të kalojë nga Verona te Fiorentina, ndonëse edhe klubet e tjera më të mëdha si Napoli e Atalanta e donin.
Gjithsesi, Botërori i Katarit ishte shenjtërimi për mesfushorin Sofjan Amrabat. Marokeni, i cili bëri një Kupë Bote fantastike me përfaqësuesen e tij dhe u rendit i katërti, tashmë ka përfunduar në lupën e elitës së futbollit europian, pasi janë të shumat skuadrat që duan të kenë në dispozicion të tyre shkatërruesin afrikan.
Totenhemi dhe Konte ishin të parët që u hodhën në sulm, më pas Interi, Milani e Juventusi po e ndjekin, por ndërkohë Barcelona është futur më seriozisht se kushdo tjetër në lojë.
Duke parë se Serxhi Buskets po mendon tërheqjen nga futbolli, ose më saktë të lërë Barcelonën, për disi vite disi më komode në Amerikë, klubi katalanas ka kontaktuar Fiorentinën dhe i ka ofruar 40 milionë euro për kartonin e tij. Tani, pritet vetëm përgjigjja e Amrabat për firmën.
