Kampioni i Kosovës, Ballkani i Therandës, eliminohet pas 120 minutave nga garat kualifikuese të Champions League në futboll.
Therandasve iu kushtoi shtrenjtë barazimi (1:1) në stadiumin “Fadil Vokrri” në Prishtinë, ndërsa sonte pësoi humbje me 1:0 nga Zhalgirisi.
Ndeshja mes Zhalgirisit dhe Ballkanit, përfundoi baras (0:0) në kohën e rregull, ndërsa vazhdimet dy herë nga pesë minuta ishin të kobshme për Ballkanin.
Në minutën e 6-të, portieri Stivi Frashëri la treguar vlerat e tij, me dy pritje të njëpasnjëshme, ne rastin e dytë mbi vijën fatale.
Rastin më të mirë Ballkani e pati në minutën e 34-të, por kur nuk e do nuk e do. Krasniqi vetëm me portier por gjuan drejt në këmbët e tij.
Në minutën e 70-të, Frashëri shpëton portën e tij, pret gjuajtjen e Mamiqit.
Në minutën e 80-të, Jarusevicius pati rast të mirë por Frashëri nuk befasohet.
Në minutën e 97-të, Mathias Oyewusi kaloi portierin Frashëri, futet në 16-sh dhe shënoi gol nga një pozitë e vështirë, topi pothuajse kaloi përmes dy lojtarëve të Ballkanit dhe asnjëri nuk arriti të shmang golin.
Ballkani eliminohet e Zhalgiris vazhdon më tej. Ballkani tani do të garojë në rrethin e dytë të kualifikueseve në Conference League.
