Mbështetje institucionale për DHP-në
Pas disa kërkesave zyrtare, sot u realizua një takim pune ndërmjet Agjencisë së Zbatimit të Gjuhës (AZGj) dhe Drejtorisë së të Hyrave Publike (DHP).
Me këtë rast, drejtori i AZGj-së Ylber Sela ofroi mbështetjen institucionale siç e parasheh Ligji i Përdorimit të Gjuhëve që edhe në këtë drejtori të fillojë zbatimi konkret i këtij ligji.
Nikoqirët, përgjegjësit e çështjeve juridike u interesuan për disa pika konkrete të ligjit për të cilat kishin paqartësi.
Pasi sqaroi çështjet konkrete, drejtori Sela u zotua për mbështetje të drejtpërdrejtë në përkthimin e formularëve të ndryshëm, duke filluar nga ato që përdoren më së shpeshti.
