Politikologu Bllagojçe Atanasovski, sonte në emisionin debativ në TV Shenja tha se dy vitet e fundit vazhdimisht e ka përsëritur faktin që pas vetos bullgare për të bllokuar integrimin e Maqedonisë së Veriut në Bashkimin Evropian qëndrojnë shërbimet ruse.
“Atë që e thonë ministri i Punëve të Jashtme z. Bujar Osmani si dhe ministri i Punëve të Brendshme z. Oliver Spasovski dhe atë që e thotë kryeministri tashmë i zgjedhur Kiril Petkov, unë e kam thënë gjatë dy vitete të fundit prej kur u vendos vetoja nga Sofja zyrtare drejt integrimit tonë evropian. Unë e kam thënë që pas vetos bullgare për të bllokuar integrimin e RMV-së në BE qëndrojnë shërbimet ruse të cilat të infiltruar thellë në shërbimet ushtaraka bullgare, pasi e dijmë që Bullgaria më herët ishte pjesë e paktit të Varshavës ku qendër komanduese ishte Moska”, u shpreh politikologu Bllagojçe Atanasovski. /SHENJA/
