Numri i vizitorëve për muajin shtator 2022 është 40.390, prej tyre 37.05% ishin vendorë dhe 62.95% ishin të jashtëm, ndërsa numri i net-qëndrimeve ishin 70.575, prej tyre 37.65% nga vendorët dhe 62.35% nga të huajt, ka bërë të ditur Agjencia e Statistikave të Kosovës (ASK).
Pjesë e anketës në statistikat e hotelerisë për muajin shtator ishin 209 hotele që ushtrojnë veprimtari hoteliere në territorin e Kosovës.
Numrin më të madh të vizitorëve dhe net-qëndrimeve të tyre e kishte rajoni i Prishtinës me 17.907 vizitorë dhe 31.247 net-qëndrimi.
Numri më i madh i vizitorëve të huaj përqendrohet në Prishtinë, Prizren, Peja e kështu me radhë. Sa u përket vizitorëve të huaj numri më i madh ishte nga Shqipëri, Gjermania, Zvicra etj.
