Opozita shqiptare i ka mbështetur me votë konkluzionet e Kuvendit për propozimin francez, por jo të gjithë deputetët shqiptarë opozitarë ishin të pranishëm në votim. Nga lista e votimit duket se mes deputetëve shqiptarë që nuk ishin të pranishëm, janë kreu i ASh-së Ziadin Sela dhe deputeti i Lëvizjes Besa, Fadil Zendeli.
Nga Aleanca për Shqiptarët ende nuk kemi marrë përgjigje për mosprezencën e Selës, ndërsa deputeti Zendeli i tha TV21 se nuk gjendet në vend.
“Jam jashtë Maqedonisë që nga dita e martë. Jam në një projekt në Maroko”, tha Zendeli për TV21.
