Modeli zgjedhor me tetë njësi, sipas Aleancës për Shqiptarët do të sigurojë një barazi më të madhe zhvillimore për rajonet ku janë shqiptarët, të cilët për momentin, siç thonë ata, diskriminohen, shkruan Alsat.
Aleanca për Shqiptarët nuk do ta mbështesë propozimin për një njësi zgjedhore i cili është në procedurë parlamentare.
“Njësitë zgjedhore me shumicë shqiptare diskriminohen krahasuar me njësitë zgjedhore ku janë më tepër maqedonas. Të gjitha këto argumente tregojnë se edhe ndarja aktuale me gjashtë njësi zgjedhore nuk është e përshtatshme dhe ne duke u nisur prej këtij parimi kemi propozuar si ASH që shteti të ndahet në tetë njësi zgjedhore, komfor ligjit për zhvillimit të barabartë rajonal. Ky nuk është propozim politik por është propozim bazuar në shkencë sepse ndarjen e këtij shteti në tetë rajone zhvillimore e kanë bërë shkencëtarët, ekonomistët, blegtorët, bujqit, agronomët dhe ekspertët e tjerë të shtetit”, tha Halil Snopçe, Aleanca për Shqiptarët./
