Armando Broja e nis nga minuta e parë ndeshjen kundër United?

Për herë të fundit Burnley iu gëzua një fitoreje në fundin e muajit tetor ndërsa nesër mbrëma të besuarit e Scott Parker presin në “Turf Moor” ekipin e Manchester United.

Në këtë ndeshje miqtë vijnë pas ndryshimit të madh të bërë në stol ku vendin e Ruben Amorin e ka marrë përkohësisht Darren Fletcher.

Në dyshim edhe e ardhmja e trajnerit të Burnley-t. Scott Parker është vendosur në diskutim dhe një tjetër humbje kundër “Djajve të kuq” mund të ishte fatale për ish-lojtarin e Chelsea-t.

Për këtë ndeshje delikate mendohet se Parker do t’i besojë përsëri Armando Brojës. Sulmuesi kuqezi do të jetë në majën e sulmit duke përfituar nga dëmtimi i Zian Flemming dhe impenjimi i Lyle Foster në Kupën e Kombeve të Afrikës.