Kombëtarja e Argjentinës ka shënuar fitore ndaj Venezuelës në kuadër të kualifikimeve për Kampionatin Botëror “Katar 2022”.
Të përzgjedhurit e Lionel Scalonit shënuan fitore të pastër me rezultatin 3-0.
Nicolas Gonzales, Angel Di Maria dhe Lionel Messi shënuan golat e fitores për argjentinasit.
Argjentina pas kësaj fitore ka 38 pikë dhe është e dyta në renditjen e kombëtarëve nga Amerika e Jugut, me katër pikë më pak se Brazili.
Vlen të theksohet se Argjentina e ka siguruar më herët pjesëmarrjen në Botërorin e këtij viti.
Ndërkaq, Venezuela mbetet në pozitën e fundit (10) me dhjetë pikë.
