Apple duket se është shumë pranë ndryshimit të portës së karikimit të iPhone. Sipas një raporti të Bloomberg, kompania është duke testuar iPhone-t e rinj dhe adaptera me USB-C që MacBook dhe iPad aktualisht kanë në përdorim.
Burimet e Bloomberg thonë se një adapter po testohet kur iPhone mund të funksionojnë me konektorin aktual Lightning. E thënë thjeshtë është një adapter Lightning në USB-C.
Por Bloomberg thotë se nëse ndryshimi aprovohet nuk do të ndodhë deri në 2023.
Vendimi i Apple për të ndryshuar portën në USB-C do të jetë padyshim i mirëpritur. Është një standard i aplikuar gjerë dhe siguron jo vetëm karikim më të shpejtë por edhe transferim më të lartë të dhënash.
Ndryshimi e bën më të lehtë për ata që kanë USB-C për karikimin e smartfonëve apo pajisjeve të tjera duke eliminuar nevojën për të mbajtur pas vete një kabëll Lightning.
Bashkimi Evropian nga ana tjetër ka propozuar një ligj që kërkon aplikimin e USB-C për çdo pajisje elektronike dhe mund të jetë një prej arsyeve të lëvizjes së fundit të Apple. /PCWorld Albanian
