BDI E VETME 13.9%, KATËR PARTI TË VLEN – 11.7%
Katër partitë pjesë e koalicionit VLEN bashkë gëzojnë përkrahjen e 11.7% të qytetarëve të vendit, ndërsa BDI e vetme vazhdon të rradhitet si partia e dytë në vend me 13,9% të përkrahjes së qytetarëve të vendit, kështu tregon anketa e fundit e realizuar nga portali mkd.mk.
Në vendim e parë më përkrahjen më të madhe vazhdon të kryesojë VMRO DPMNE me 45.2% , ndrësa LSDM vazhdon të shënojë ulje të përkrahjes dhe për momentin. sipas anketës. ajo gëzon vetëm 11.2% të përkarahjes së qytetarëve. “Levica” ka shënuar rritje dhe tani gëzon përkrahje prej 10.6%.
Sipas anketës shumica e qytetarëve e dinë se kush është lideri i ri i LSDM-së, ndërsa 28,8% kanë deklaruar se nuk e dinë. Përqindja e atyre që nuk e dinë është më e lartë tek të anketuarit me kombësi shqiptare.
Qytetarët e Maqedonisë konsiderojnë se problemi më i madh në vend është krimi dhe korrupsioni. Më pas vjen inflacioni, rritja e çmimeve dhe kostoja e jetesës. Të anketuarit janë përgjigjur se për ta problem janë edhe papunësia, pensionet dhe pagat e ulëta, problemet në shëndetësi, emigracioni, arsimi…
Krahasuar me rezultatet e sondazhit të kryer në mars 2024, perceptimi i publikut për korrupsionin dhe krimin si problemin më të rëndësishëm në vend është në rënie, ndërsa fokusi mbetet tek inflacioni, rritja e çmimeve dhe kostoja e jetesës.
Të pyetur për masën e propozuar nga kryeministri për shpërndarjen e Këshillit Gjyqësor për përmirësimin e sistemit të drejtësisë, 43,2 për qind e qytetarëve janë përgjigjur pozitivisht ndërsa për 33,4 për qind e të anketuarve, ishte masë negative.
Këto janë pjesë e rezultateve të anketës së opinionit publik të realizuar për MKD.mk nga agjencia Market Vision nga 16 deri më 25 shtator ku janë përfshirë 1200 të anketuar.
Burimi: TV KLAN
