Amber Heard i përgjigjet postimit të Depp në TikTok ku thoshte se duhet të ecin përpara

Amber Heard i është përgjigjur postimit të parë në TikTok të Johnny Depp, ku ai thoshte se duhet të ecin përpara pas gjyqit të tyre për shpifje.

Në postimin e tij në TikTok, Depp falënderoi fansat për mbështetjen e tyre dhe theksoi dëshirën e tij për ta lënë pas gjyqin.

“Kemi qenë kudo bashkë, kemi parë gjithçka bashkë. Së bashku kemi ecur në të njëjtën rrugë. Ne bëmë gjënë e duhur së bashku, sepse ju u interesuat. Dhe tani, ne të gjithë do të ecim përpara së bashku,” -ka shkruar ai duke falëndëruar fansat.

Ndërsa një zëdhënës i Heard tha në një deklaratë:

“Ndërsa Johnny Depp thotë se ai është duke ecur përpara, të drejtat e grave po ecin prapa. Mesazhi i vendimit për viktimat e dhunës në familje është … kini frikë të ngriheni dhe të flisni.”

Heard foli gjithashtu për të ardhmen e të drejtave të grave në deklaratën e saj të menjëhershme pas humbjes ndaj Depp në gjykatë javën e kaluar.

“Zhgënjimi që ndjej sot është përtej fjalëve. Jam zemërthyer që mali i provave ende nuk ishte i mjaftueshëm për t’i bërë ballë fuqisë dhe ndikimit të ish-bashkëshortit tim,” tha Heard në atë kohë. “Jam edhe më e zhgënjyer me atë që ky verdikt do të thotë për gratë e tjera”, vazhdoi ajo, duke e quajtur vendimin e jurisë një “pengesë”.

GAZETA.MK

Story i mëparshëm

Ekuadori në telashe me ligjin dhe rrezikon Kupën e Botës

Story i radhës

Varhleyi: “Ballkani i Hapur” s’është ide e ShBA-së, as e BE-së, por ka dalë nga vet rajoni

Të fundit nga

Jep dorëheqje Rrahman!

Greva në arsim e zgjatur për pesë javë përfundoi pa asnjë rezultat për mësimdhënësit; nxënësit humbën

AlbanianMacedonianEnglish