Ambasadori i Bashkimit Evropian në Tiranë, Luigi Soreca ka reaguar në një postim në Twitter, për zgjatjen e afateve të punës së komisionit hetimor parlamentar për inceneratorët deri më 25 shkurt.
Sipas Sorecës, “transparenca dhe llogaridhënia janë parimet kryesore të BE-së”.
“Lufta kundër korrupsionit është një prioritet kryesor për BE dhe për Shqipërinë në rrugën e saj të integrimit në BE”, thekson Soreca në postimin e tij.
REAGIMI I PLOTE
E rëndësishme është që puna e Komisionit Hetimor të Parlamentit për inceneratorët të vazhdojë.
Transparenca dhe llogaridhënia janë parimet kryesore të BE-së.
Lufta kundër korrupsionit është një prioritet kryesor për BE dhe për Shqipërinë në rrugën e saj të integrimit në BE.
***
Kutjojmë se Këshilli i Rregullores dhe Mandateve i dha të drejtë opozitës për afatin kohor të punës së komisionit hetimor për inceneratorët duke i njohur si afat ligjor fundor datën 25 shkurt.
Mazhoranca u tërhoq nga pretendimi i saj për datën 28 janar. Shtyrja e hetimit u përshëndet edhe nga ambasadorja Yuri Kim.
