Kryetari i Bashkimit Demokratik për Integrim, ish themelues i Ushtrisë Çlirimtare të Kosovës sot qëndroi në Glloxhan për të bërë homazhe te vari i heroit të kombit Luan Haradinaj.
Pas homazheve në Kompleksin Memorial të Dëshmorëve të Zonës Operative të Dukagjinit në Gllogjan, Ahmeti u prit në kullën e Haradinajve.
Me rastin e përvjetorit të rënies së heroit të kombit Luan Haradinaj, sot, së bashku me bashkëluftëtarë dhe përfaqësues institucionalë, në Deçan dhe në Kompleksin Memorial të Dëshmorëve të Zonës Operative të Dukagjinit në Gllogjan, bëmë homazhe në nderim të jetës dhe veprës së tij dhe të të gjithë të rënëve për lirinë e Kosovës.
Luan Haradinaj, së bashku me vëllezërit e tij dhe mijëra luftëtarë të Ushtrisë Çlirimtare të Kosovës, mbetet simbol i qëndresës, guximit dhe sakrificës për atdheun.
Nderimi për dëshmorët është dhe do të mbetet detyrim i përhershëm moral dhe kombëtar.
Lavdi e përjetshme!
