Në vend se të irritoheshin me veprimet e tyre, opozita ka shënjestruar Albin Kurtin “të keqën e saj”. Më i irrituar duket të jetë kreu i AAK-së, Ramush Haradinaj, me thirrjet e vazhdueshme ndaj Kurtit “kryeje detyrën që ta ka dhënë populli, ose lësho rrugë. A po e sheh se është ka soset durimi!”.
Jo pak herë Ramushi ka bërë thirrje populiste pa asnjë bazë, edhe për çështje për të cilat kryeministri s’ka të bëjë fare, si rasti i ngritjes enorme të çmimeve të produkteve bazike.
E pamësuar me tenderë dhe jetë luksi, opozitarët s’po arrijnë të mësohen me netë normale pa tenderë e pa hajni.
Për ta bërë më ferr jetën e tyre politike kujdeset populli me mbështetjen ndaj Kurtit, kurdo që mbahen zgjedhjet, pritet të jetë fitues. Kjo ia ka shtuar mllefin atyre që para pak kohësh e konsideronin veten të përjetshëm në pushtet.
Në pamundësi të gjetjes së ndonjë afere korruptive kanë futur në lojë sërish retorikën se si s’po e dëgjon ShBA-në.
Në mungesë të argumenteve konkrete, opozita s’di çfarë të kritikojë. Kujtojmë këtu deklaratën e kreut të LDK-së, pa asgjë konkrete me retorikë bajate politike kritikon qeverinë me motivacionin se “S’dinë bre burrë. Nuk po dinë. Nuk janë duke vepruar asnjëherë. Shikojnë veç me kritiku 20 vitet e shkuara. Edhe për këtë punë e gjejnë dikë, thonë ky është fajtori”, e kjo opozitë nuk meriton me ardh në pushtet.
Imagjino s’dinë të bëjnë opozitë, e si mund të jenë të mirë në qeverisje. Dikush nga opozita ka shkuar aq larg sa e kanë kaluar në thurjen e lavdeve për veten e tyre, deri në shpërfytyrim të realitetit.
Konkretisht zëdhënësi i PDK-së Fatos Abdullahu është shprehur: “E kam thënë, edhe njëherë po e përsëris, pa PDK-në e ha dreqi këtë vend. Kështu siç po e shpjegoj unë, kështu, “e ha dreqi këtë vend” pa u kthye Partia Demokratike”.
Bash me PDK-në e ka hangër dreqi këtë vend dhe këtë popull. Kjo opozitë po shprehet hapur, me u largu Qeveria të kthehen ata, si të thoshin se pa hajni nuk po jetohet, refreni i opozitës. Por jo, ajo ka vdekur e nuk kthehet ma.
