Një aksident zingjiror ka ndodhur pasditën e së hënës në autostradën Tetovë – Gostivar, raporton Agjencia e lajmeve Flaka. I kontaktuar zëdhënësi i Sektorit të Punëve të Brendshme – SPB, Tetovë, Fatmir Rexhepi njoftoi që në aksident janë përfshirë një kamion dhe dy vetura.
Për fat të mirë aksidenti ka kaluar pa pasoja në njerëz por vetëm me dëme materiale. Në vendngjarje doli ekipi i policisë dhe po kryen hetimin.
Jo zyrtarisht, gjatë procesedurës hetimore, njëri nga pjesëmarrësit në aksident ka treguar agresivitet ndaj pjesëtarëve të policisë.
Gjersa zgjat procesi hetimor nga organet e rendit, qarkullimi i automjeteve në autostradën Tetovë – Gostivar, përgjatë pjesës rrugore ku ndodhi aksidenti bëhej me regjim policor dhe vetëm në njërën kolonë të rrugës.
Për më tepër, zëdhënësi i Sektorit të Punëve të Brendshme – SPB, Tetovë, Fatmir Rexhepi deklaroi që të dhëna zyrtare rreth aksidentit do të jepen në buletin policor të ditës së martë. https://youtu.be/k1K0xi11IfQ
