Sot në Prishtinë rreth orës 15:20 në afërsi të objektit të komunës së vjetër, në rrugën “UÇK” në Prishtinë ka ndodhur një aksident.
Flora Ahmeti, zëdhënëse e policisë rajonale për Prishtinë, ka bërë të ditur se në këtë aksident kanë qenë të përfshira dy vetura, njëra prej të cilave është larguar nga vendi i ngjarjes.
“Si pasojë e aksidentit për shkak të shqetësimit i është ofruar ndihmë një personi dhe po ashtu janë shkaktuar dëme materiale edhe në dy lokale, ku është përplasë vetura e aksidentuar”, shprehet Ahmeti.
Rasti po hetohet nga njësitet përkatëse të Policisë.
