Presidenti turk, Rexhep Tajip Erdogan përmes një deklarate nga samiti i Vilnius, tha se “anëtarësimi i Suedisë në NATO nuk do të konsiderohet deri në vjeshtë.
Mesazhi vjen dy ditë pasi Erdogan ra dakord në një takim trepalësh me Shefin e NATO-s, Jens Stoltenberg, dhe kryeministrin suedez, Ulf Kristersson, për t’i dhënë Suedisë dritën jeshile që të lejohet t’i bashkohet aleancës ushtarake.
Presidenti turk u tha gazetarëve këtë pasdite se një projekt-ligj për të ratifikuar pranimin e Stokholmit në aleancë nuk do të paraqitet në parlamentin e Turqisë derisa të rihapet në vjeshtë. Erdogan tha gjithashtu se pret që Suedia të ndërmarrë veprime të forta kundër terrorizmit si pjesë e një marrëveshjeje midis Ankarasë dhe Stokholmit përpara se të ratifikojë ofertën.
Turqia fillimisht kishte kundërshtuar kërkesën e Suedisë për t’u bashkuar me NATO-n me arsyetimin se Stokholmi ishte shumë i butë ndaj militantëve kurdë dhe grupeve të tjera që Ankaraja i konsideron si kërcënime sigurie.
Burimi: GAZETA.MK
