Rastet e ankthit janë rritur në Mbretërinë e Bashkuar, ku gjashtë në 100 persona thuhet se vuajnë nga ky problem.
Ankthi është një emocion që ne të gjithë e përjetojmë herë pas here, por për disa, ai bëhet një problem i vërtetë.
Rachel Roëe, terapistja kryesore Rajonale e Punës në Cygnet Health Care, thotë se ankthi është një emocion normal.
Sipas saj, ashtu si ndjenjat e trishtimit, gëzimit, frikës ose shqetësimit, ankthi është një emocion që do ta përjetojmë gjatë gjithë jetës.
“Trupat tanë përdorin ankthin për të reaguar ndaj stresit dhe për të na informuar se ka një rrezik të mundshëm rreth nesh. Për shkak të kësaj, ne mund të ndihemi në ankth herë pas here.. Gjatë ngjarjeve shumë stresuese të jetës, si fillimi i një pune të re, martesa ose zhvendosja në shtëpi, është normale të ndiheni në ankth”, tha ajo.
Ajo shton se kur fillojmë të ndiejmë ankth rregullisht, në jetën e përditshme, atëherë mund të themi se kjo është bërë problem, shkruan The Sun, transmeton Klankosova.tv.
“Kjo mund të ndodhë kur shqetësimet tona janë jashtë raportit me situata relativisht të padëmshme. Kjo mund të çojë në situata që ndihen më intensive ose dërrmuese dhe mund të ndërveprojnë negativisht me jetën dhe marrëdhëniet tona të përditshme”, është shprehur Rachel.
Sidoqoftë, sipas saj duhet ta mbani në mend se është normale të ndiheni të shqetësuar përpara ngjarjeve të mëdha të jetës, gjatë situatave stresuese ose gjatë periudhave të vështira.
Burimi: GAZETA.MK
