Deputetja e Kuvendit të Kosovës, Duda Balje ka deklaruar poashtu pasurinë e saj në Agjencinë për Parandalimin e Korrupsionit. Ajo tek pasuria e paluajtshme ka deklaruar se ka pasuri në vlerën 625 mijë euro, apo më tepër se gjysëm milioni.
Deputetja Balje ka deklaruar se tek pasuria e luajtshme posedon një veturë në vlerën 18 mijë euro.
Ajo nuk ka publikuar shifra të mëdha të kursimeve, rreth 400 euro.
Ndërsa tek borxhet apo detyrimet ndaj dikujt, deputetja ka deklaruar se kapin vlerën mbi 24 mijë euro.
Të ardhurat vjetore të deputetes dhe bashkëshortit të saj, arrijnë në vlerën mbi 52 mijë euro.
Pasuria në total e deklaruar e deputetes Duda Balje është në vlerën rreth 700 mijë euro.
