Oborri i godinës së Qeverisë tash e sa kohë është mbuluar nga bari, i pyetur për këtë gjendje, kryeministri teknik, Talat Xhaferi tha se për rregullimin e oborrit është kompetent Qyteti i Shkupit, respektivisht N.P. “Parqet dhe Gjelbërimet”, shkruan TV21. Xhaferi tha se kryetarja e qytetit të Shkupit e mori përgjigjen në zgjedhje.
“Unë besoj që qytetarët e Qytetit të Shkupit dhe të Shkupit në procesin zgjedhor dhanë edhe përgjigjen konkrete kundrejt kryetares së Qytetit të Shkupit në kontekstin e perceptimit të tyre për të gjithë atë që vlerësojnë për punët e kryera dhe të pakryera”
Ndryshe, kryetarja e Qytetit të Shkupit, Danella Arsovska mori 1.571 vota në Shkup.
Burimi: tv21