Njerëzit që kanë qenë në lidhje afatgjata e dinë mirë se flakët mund të shuhen.
Kjo është krejtësisht e natyrshme; në fund të fundit, nuk është realiste të presësh që një marrëdhënie të ofrojë të njëjtin nivel emocionesh si në fillim. Sigurisht, kjo nuk do të thotë që argëtimi dhe shkëndijat mes jush duhet të vdesin plotësisht.
Hidhini një sy 10 këshillave të mëposhtme se si ta mbani gjallë romancën në marrëdhënien tuaj.
1. Lini telefonat mënjanë
Të qenit i pranishëm mendërisht kur po kaloni kohë me njëri-tjetrin mund të sjellë shumë ndryshime në marrëdhiënien tuaj. Herën tjetër që të dy jeni bashkë, largoni telefonat dhe vlerësoni vërtet shoqërinë e njëri-tjetrit. Duke u izoluar nga bota e jashtme, ju i jepni vetes mundësinë për t’u lidhur me njëri-tjetrin në një nivel tjetër.
2. Sillni në mend kujtimet tuaja të përbashkëta
Rishikoni kujtimet e kohërave magjike që keni kaluar së bashku. Lëreni partnerin tuaj të dijë se ngjarje specifike dhe koha e kaluar me të kanë kuptim për ju, duke ua kujtuar atyre. Gjithashtu, mos bini në grackën e të jetuarit vetëm në të kaluarën. Ju duhet të punoni drejt krijimit të kujtimeve të reja të çmuara rregullisht.
3. Provoni gjëra të reja së bashku
Hiqni dorë nga zakonet tuaja të përditshme duke provuar diçka të re, qoftë një udhëtim modest apo regjistrimi në një kurs të ri së bashku. Kur zhytemi në një rutinë, mund ta gjejmë veten të mpirë për shumë nga arsyet që e duam dhe e vlerësojmë partnerin tonë. Zhytja në përvoja të reja së bashku, jo vetëm që do të jetë argëtuese dhe emocionuese, por të shohësh partnerin në një mjedis krejtësisht të ri do t’ju lejojë të mësoni gjëra që nuk i dinit më parë për të dhe do t’ju kujtojë arsyet fillestare që u dashuruat me të. Dhe kush e di, ndoshta do të bini në dashuri me ta përsëri!
4. Përpiquni për pasion
Mos hezitoni t’i jepni dashurisë suaj një puthje të gjatë ose t’i përqafoni siç duhet. Do të habiteni se sa i nevojshëm është një veprim i tillë dhe se sa të dëshiruar do ta bëjë partnerin tuaj. Bëjeni njëri-tjetrin të ndihet si personi më i rëndësishëm që keni në jetë.
5. Surprizoni njëri-tjetrin
Të gjithë i duam surprizat. Dhuratat e vogla të të gjitha llojeve vlerësohen. Lule, një takim i papritur, ndoshta mëngjes në shtrat. Çdo gjë që përfaqëson një kohë të veçantë së bashku dhe i tregon partnerit tuaj se keni bërë përpjekje për ta, funksionon. Për më tepër, netët e rregullta të takimeve (date nights) janë të barabarta me shkëputjen nga jeta juaj e përditshme, rutina dhe problemet; është një kohë perfekte për lidhje intime.
6. Eksperimentoni në shtrat
Nëse mendoni se jeta juaj seksuale ka filluar të bëhet përsëritëse ose e mërzitshme, përpiquni t’i shijoni gjërat pak duke bërë disa eksperimente. Pavarësisht nëse bëni disa ndryshime seksi në garderobë ose eksploroni burime të tjera kënaqësie, është jetike të komunikoni me partnerin/en për atë që mund t’ju emocionojë të dyve.
7. Mos harroni rëndësinë e të qeshurit
E qeshura është thelbësore për një marrëdhënie të shëndetshme. Partneri juaj duhet të jetë gjithashtu miku juaj më i mirë; nëse nuk mund të argëtoheni dhe të qeshni me gjithë zemër me ta, atëherë diçka seriozisht nuk është në rregull. Në këtë rast, duhet të bëni një përpjekje për të rizbuluar sensin tuaj të përbashkët të humorit.
8. Jini të sinqertë me njëri-tjetrin
Ju duhet të jeni të sinqertë me njëri-tjetrin nëse dëshironi që ajo që keni ndërtuar së bashku të zgjasë. Nëse ka diçka që ju pëlqen, qoftë brenda apo jashtë dhomës së gjumit, tregojini partnerin tuaj për të. Nëse mendoni se nuk mund të jeni të sinqertë me ta, duhet të pyesni veten pse.
9. Bëni një ndryshim në vend që të shpresoni se do ta bëjë ai/ajo
Në vend që të kërkoni gjatë gjithë kohës, merrni një moment për të menduar se sa po i jepni ju partnerit tuaj. Nëse ju bëni përpjekje shtesë për ta, ndoshta dhe ata do të ndihen të frymëzuar për të bërë përpjekje shtesë për t’ju bërë më të lumtur.
Nëse gjithçka tjetër dështon, kujtoni sjelljet që të dy keni pasur në fillim të marrëdhënies suaj. Mbani mend se si dukeshin ata në sytë tuaj, si i trajtonit dhe sa shumë donit t’i bënit të lumtur. Nëse të dy veproni sikur është fillimi, ndoshta fundi nuk do të vijë kurrë.
